ترانه سرودِ "دختران شورشی" به گویش لُری (به مناسبت هشت مارس)...هوشنگ اسدیان.
ترانه سرودِ "دختران شورشی" به گویش لُری (به مناسبت هشت مارس)
دختر قشنگهِ شورشی
دِ کوه چی شیر وِر می کشی
تنفنگته بیر وِ دَس
زُلفت مثلِ دُم اَسبه
خیالِ دستگیرو تخته
بیا سیمو جنگی برقص
چَشیا قشنگت اَشگینه
سواَ سَرِت نازَنینه
شنگه قطارهِ بِیر وِ دَس
اوُ چَشِ مَسِت خُماره
دل مینه دل جایی نارهَ
سیقه سَرت اِی همه کَس
ماه دِ مینه اوُ روته
کَمو مینه اَبروته
سردارِ زن، کُل کَس
نقشه آزادی کَشیه
نازار اِسمت شورشیه
دَسه کمه بیر وِ دَس
اوُ چالِ تِشنیت بلوره
گردنه کَت پُر زِ نوره
بیا وَرم اِی هم نفس
قد و بالا کَت رنگینه
مِثه اَفتو دِ زِمینه
نمی هام که روی زِ دَس
بافه مویات چی آبشاره
هُری دلِ دِر میاره
چَش نو هُری تو زِ کَس
اَ فتو مینه پی شونیته
الان وقته خوش خونیته
همه نِه وَنی دِ هَوس
راه رَتنت مِثه کوکه
حسود مینه گل می چو که
کاکُل اُو مویات وِ دَس
قشنگه آوادی تونی
نغمۀ هر سازی تونی
بیا وا لشکر پیش و پَس
وقتی سوار اَسب هِسی
قناقِ بِرنو دِ دَسی
زِ کَس نمی آیه نفس
کورونهِ ده عاشقتن
سی تو می جنگن تن به تن
غریبه وا حُمال و کَس
خورشید حَسودیش وِت میا
ماه زِ دوما تو دِر میا
باری کِتو داری وِ دَس
عروس ِآوادی تونی
سَنبُلِ آزادی تونی
تفنگته نونی زِ دَس
قصه می هونی سی همه
جونته مِی موی کَمه
جنگ دَر گرت وِ داد بَرَس
دُخترِ شورشی تونی
میدونِ جنگ چی شیر تونی
دِ هشت مارس دَس به وِ دَس
حرفت همش آزادیه
برابری وا شادیه
بی بی، بیا قشنگ برقص.
Kommentarer
Skicka en kommentar